今日，係我生日ge大日子。有時候真係唔得唔認老，呢邊ge我大一歲，戈邊d新ge偶像歌手幾乎全部都係90後，差距呀~我唔要有代溝呀~！
今年生日ge日子唔多好，撞正星期二。番工ge番工，番學ge番學，我仲要考試添！原本諗住走堂去慶祝生日，點知提早左考試，想唔番都唔得啦……加上DUP仲要OT添，我地更加冇時間係正日可以好好咁慶祝~因此，我地選擇左提前一日去慶祝我生日啦！
5月2號呢一日，簡直充實到爆，同時亦都攰到爆！我地晏晝兩點出黎，先去左氹仔舊城區食下野。周圍都好多自由行，「興記」又冇開，最後選擇左聲稱絕無添加味精ge「中華麵館」。
呢間野真係好耐冇食過，除左出菜慢左d之外，水準算係keep得唔錯。食完就去影相相啦，我地去左龍環葡韻，有一大片花田咁ge地方，好靚！
可能係因為DUP太耐冇去影過相ge關係，所以即使熱到成身汗，都仍然影得好鬼開心。
係氹仔逗留左一段時間之後，驚險時間又到啦！登登登登……就係我ge駕駛練習時間啦！
剛剛考左牌一個月，只揸過一次咁大把，仲要差d撞車(@@暈)……要儘快克服呢種心理恐懼，就一定要勤練！係路氹戈邊車比較少，馬路又比較寬闊，比較好練d~可惜，即使一直都重覆練習同一條路線，仍然一出到迴旋柱我就好騰雞！唉…你叫我點算……越練越冇心機，算~出發去路環玩下好過！
我地ge下一站就係路環市區，亂咁泊左架車係海關門口ge空地之後，就周圍去影下相。海邊對面就係橫琴，雖然兩邊都好似好鄉下、好漁村咁，但對比於高樓大廈林立ge澳門市區，真係別有一番風味~
呢度風景好靚，好悠閒，好舒服！由於係海邊，所以有好多以前ge造船廠遺址係度。
係路邊仲發現，原來啤酒樽都可以砌牆，勁！
影完相之後，諗住去漢記食下野，點知戈邊又多流浪狗，又冇位泊車，所以都係下次先啦~就係咁，就番左澳門啦。
番到澳門其實都已經成七點鐘，我地打算食左飯先去行街街，幫助消化嘛。我地今次去Pizza Hut慶生，其實早在上一年已經話去Pizza Hut慶生ga啦，但因為某d原因所以最後冇去，結果一年後黎補番。
幸好係星期一，而且好早，所以我地唔需要等位等餐死，就咁直接入去食啦。我地叫左個2人套餐，又加左d野食，望落好似好少咁，但最後竟然飽到要打包！總之真係飽到不得了~食完之後去左新馬路行街，買左2件kitty衫衫、耳環，最最最重點係…終於比我買到CNBLUE ge「First Step」韓國版CD啦~仲買埋梁文音ge新碟添！
好可惜ge係，點都R唔到個老細送poster比我……枉我一年都幫襯佢唔少，連咁少少野都唔送比我~可惡！行完買完，都真係幾攰下ga~突然接到江交ge電話，話夜晚一齊去食飯慶生。戈一刻都幾感動ga，難得佢地會記得我生日嘛~我番左屋企擺低d戰利品，換過件衫，就去下半場啦！佢地約左十一點係「泰豐」等，不過我同YUMIKO差唔多十一點九先到。食飯之餘，仲收到今年第一個生日蛋糕，好開心呀！
生日蛋糕真係唔可以缺少ge野呀！
今年ge生日願望，其實已經實現左啦！我早在考車前就已經將生日願望提早左拎黎用，結果，真係實現左喎！而家只希望身體健康、世界和平、搵份好工~希望都實現到啦^0^
P.S. 今年第二份生日禮物，MY DEAR DUP送ge IPHONE播放機一部！呢部野我想要左好耐ga啦，但太貴啦，我唔捨得買。果然今次真係好surprise呀，我完全估唔到呀~
今個生日過得好開心~多謝各位呀~thx & love u ^3^
留言列表
