尋日係勞動節，爭win左ge我，有假放啦！話說前幾日番左白色iphone4，做到嘔晒血咁滯…所以我先唔會為左戈個爛鬼double paid而番工呀~九成仲要OT喎，唔化算！
早成個禮拜前，米高已經約好左我，佢話佢勞動節放假，諗住同我提早過生日，去影下相、行下街、食下野咁啦~原本DUP都一齊放ga，點知前幾日佢公司突然要佢五一OT，所以我都唔知算係好事定壞事……總之，最後變左姊妹遊啦^0^
我地晏晝一點幾係新馬路等，諗住去路環飲下咖啡、影下靚相咁，點知我地等黎等去都等唔到26A，最後搭左11號過左氹仔先，再轉去路環ge車應該會多好多。點知……係氹仔巴士站等到發左毛都冇車！(又唔係完全冇ge，都有一兩架咁ga，只係逼爆兼飛站！)所以我地最後都係改變行程，去左氹仔舊城區扮自由行食下野咁，然後再去威尼C行街街……因為出面好鬼熱！！！
我地第一站去左「新好利」食燕窩撻！超正~仲食左豬扒包、豬扒雞翼撈粗，飲左紅豆冰(<--「喜蓮」戈d正好多)！
然後打的的去威尼C~~今日收獲好豐富哦！
米高買到佢搵勻全香港都賣晒ge ALL STAR高筒鞋，仲買多左一對涼鞋添~又買左幾件衣服~真開心！
我都唔差，終於比我搵到CLINIQUE新出ge BB CREAM！
前幾日去八佰伴搵，戈個靚女話因為係外國出，要去免稅商場先有，澳門起碼6月先番貨，我超失望囉！好在，皇天不負有心人，終於係威記WATSON買到！其實呢支野係前幾日睇「女人我最大」KEVIN老師介紹ga，佢話呢個產品連續通過左7000幾次實驗都唔怕敏感，所以見咁正我先買咋~而且價錢$250我覺得非常合理。
買完一輪野，腳仔攰添，就去左Haagen Daz high tea~我地兩個成日話要約出黎黎個貴婦式high tea，結果講到而家先有時間去做。我地叫左兩杯特式飲品，超正呀！
飲完hea完傾完之後，行去搭車戈陣經過金光綜藝館，當然要同小豬………poster影張相先啦，否則演唱會當日應該幾難攝到入去影……
啊~~好期待5月7號呀~我ge小豬呀~only only u u u~only only u u u~~(發癲ing~唔使理我~)
可惜身為大忙人ge我，行完街當然仲有下半場啦。原本約左d同學仔係台山m記做報告，點知冇位要轉去寰宇m記做。我又唔識去戈度喎，結果又係要打的……一直做做做，做到十點幾先做完。之後同DUP去食完野就番屋企囉……呢日過得真充實呀！
P.S. 今年生日第一份生日禮物收到囉~係米高BABY送ge Thomas Sabo姊姐手鏈一條，係我最愛ge粉紅色哦，仲有代表我ge 「K」同「Kitty」charm添呀！超靚，我真係好鐘意！多謝哦~^^
留言列表
