☆ ° 。♪ KIKO's‧PaRaDise ♫。 ° ★

10月15日，DUP黎接我放學，我一落樓下，正尋找小黃ge身影…噫？奇怪啦，佢咁搶眼，冇理由唔見ga？點知，我再瞄一瞄，一部好熟悉ge車係我面前出現！再望下個車牌…啊~我ge愛車終於回歸啦！一個月冇見，換左鈴，成架又翻新左！戈個死DUP原來戈朝一早就去攞左番黎，只係瞞住我諗住比個驚喜我。呵呵，我實在太高興啦^0^

10月16號係重陽節，今次終於爭贏左，有假放啦！原本戈日諗住去松山登高買個風車轉下運，因為已經n年冇去過。點知，例牌…一放假就訓到唔願起身！原本八點幾醒左，諗住起身ga啦，但又冇呢個意志。九點幾十點幾又醒左一次，都係唔得，個人好似痴住左張床咁。最後……還是宣佈放棄！不過我地晏晝都出左去食飯行街，去左高士德、新馬路，又係呢d地方囉，冇計~澳門太細。夜晚等表姐阿誠放工一齊去食飯，周圍都好爆呀！最後去左風順食骨煲，仲要係同人搭枱咋…

第二日，10月17日，出事啦！一訓醒，oh my god，喉嚨好似比火燒咁，口水都吞唔落！戈一剎那，我就知又係我貪食累事啦…早幾日喉嚨發炎睇完醫生，未完全好番又去食骨煲打邊爐，真係自己攞黎賤囉！結果呢日，又要留係屋企休養。DUP晏晝買左d消炎藥上黎比我食，訓左陣，好番少少。夜晚，約左同學仔七點係皇朝傾報告。DUP同埋我一齊去做軍師，一傾就傾左三個半鐘，但好似仲係半桶水咁…今次一定要加油先得呀！唔敢看戈科對我黎講真係人生污點呀！我可憐ge獎學金……T^T

尋日，係我presentation ge大日子！但…乜都未準備過。我訓醒都已經成12點，開始作ge時候都差唔多一點半囉，睇黎我真係唔知個死字點寫…上網搵資料，一路作作作，雖然一早心入面已經有個大綱，但真正做出黎實在有難度呀…一直到六點，終於KO左！成份野，感覺上都唔差，PPT亦唔錯，哈哈，我真係天才呀！由於怕等唔到巴士番學，我即刻打比DUP，叫佢黎送我番學。由於今堂我係第一個present，所以超驚！有d字又唔係咁識讀，又緊張。幸好，我係準備得最足而且係講得最好戈個，哈哈，心血總算冇白費。放學後，去左食我至愛ge酸辣粉，太耐冇食過啦，唔理得個喉嚨咁多啦，成日冇食過野，醫飽個肚最實際！希望第二日唔好又復發過就得啦…