韓版-惡作劇之吻 @ ☆ ° 。♪ KIKO's‧PaRaDise ♫。 ° ★

一個字形容，就係「讚」！嗱~唔睇係你地ge損失哦！

話說小妹我一直都係「惡吻」迷，4年前因為米高ge介紹，開始左我ge台劇生涯。我接觸ge第一部台劇就係「惡作劇之吻」，當時仲未拍第二集哦。好可怕，第一次發現…嘩！呢d偶像劇原來先係我ge菜！始終校園浪漫愛情劇都係適合我呢種年紀ge少女多d，哈哈^^呢幾年，睇左好多台劇、韓劇、日劇，始終都係「惡吻」最得我心，因為劇情好，男主角又超級靚仔！除左原創ge漫畫我未睇過之外，台版、日版、卡通版ge「惡吻」我都睇過晒！當中，台版ge當然係最好睇啦，由林依晨同鄭元暢所演，超正，直到目前為止，我諗我一共睇左有五六次咁多，連第二集都睇左三次囉。

今年，韓國終於拍「惡吻」啦，對於我黎講，實在是大喜訊！我一直都有留意動向，男主角競爭好激烈，要由我最愛ge大帥哥金賢重同鄭容和當中選一個出黎…oh！手掌又係肉，手背又係肉呀！最後金賢重出線，容和就繼續拍「我們結婚了」，咁我兩樣都可以同時睇，哈哈^^

今年ge 9月1號，韓國終於首播啦！我開頭諗住等佢播完先一口氣睇，因為等待真係太苦悶啦。可惜，我連一個星期都忍唔到，咁就開始左我首次追韓劇ge生涯啦！不過韓國比台灣一星期播一集要好，佢逢星期三四播。睇左第一集之後，真係唔係講笑，四年前ge台版「惡吻」歷史重演，我又極速上腦啦！天啊！使唔使咁好睇呀！金賢重飾演ge白勝祖真係靚仔到暈~超直樹！女主角鄭素敏飾演ge吳哈呢又好湘琴，真係超可愛！

而家播到第14集，劇情已經講到勝祖要讀醫，哈呢決心要考護士，即係台版「惡吻2」，進度真係超快哦！睇左咁多集，我發覺韓版同台版雖然內容相似，始終係同一部漫畫改編嘛，但佢地ge演繹方式同順序係好唔一樣，始終韓國ge風俗文化同台灣唔同。

不過我發覺，韓劇好鐘意用搭景，就好似「宮」一樣，我一直以為係真景黎ga，點知原來係搭出黎，超真實，好犀利呀！而且今次哈呢ge造型比湘琴實在好太多啦！呢樣野我係第一集已經留意到，因為我一直都覺得湘琴d衣著好俗氣。反而男主角就求其著都係一個無敵大帥哥！雖然韓版ge勝祖淪陷得好快，冇計，劇情進度快嘛，但咁樣其實都唔錯。韓版將好多台版拖劇ge劇情刪左，完全係一個濃縮版，所以集集都係精華，分分秒秒都係經典。如果想睇detail d，咪睇台版囉，冇乜耐性煲劇ge，咪睇韓版囉，反正劇情大致都一樣。但我唔建議睇日版，年代太久遠啦，無論外型、衣著、男女主角，尤其係女主角，都古老都不得了，睇左我怕會破壞左「惡吻」係大家心目中ge形象。

「惡吻」ge劇情大概係講，同校同級ge笨蛋女主角一直暗戀智商200 ge天才男主角4年，送情信慘遭拒絕後，屋企又因為二級地震冧左。無家可歸ge女主角同佢相依為命ge父親去左佢父親高中好友ge屋企暫住，點知原來就係男主角屋企。住係同一屋簷下ge男女主角，發生左好多又搞笑又曖昧ge事。開頭男主角對女主角不瞅不睬，發生左好多插曲後，先發現自己愛上女主角，並因為女主角而搵到自己ge人生目標。最後佢地結婚，展開左精彩ge新婚生活，但存在好多問題需要佢地一齊去解決，總之成套劇都充斥住LOVE LOVE LOVE就係啦！

日版-惡作劇之吻 (1996)