☆ ° 。♪ KIKO's‧PaRaDise ♫。 ° ★

今日，係我生日ge大日子。有時候真係唔得唔認老，呢邊ge我大一歲，戈邊d新ge偶像歌手幾乎全部都係90後，差距呀~我唔要有代溝呀~！

今年生日ge日子唔多好，撞正星期二。番工ge番工，番學ge番學，我仲要考試添！原本諗住走堂去慶祝生日，點知提早左考試，想唔番都唔得啦……加上DUP仲要OT添，我地更加冇時間係正日可以好好咁慶祝~因此，我地選擇左提前一日去慶祝我生日啦！

尋日係勞動節，爭win左ge我，有假放啦！話說前幾日番左白色iphone4，做到嘔晒血咁滯…所以我先唔會為左戈個爛鬼double paid而番工呀~九成仲要OT喎，唔化算！

早成個禮拜前，米高已經約好左我，佢話佢勞動節放假，諗住同我提早過生日，去影下相、行下街、食下野咁啦~原本DUP都一齊放ga，點知前幾日佢公司突然要佢五一OT，所以我都唔知算係好事定壞事……總之，最後變左姊妹遊啦^0^

尋日，係網上睇左一篇名叫"康熙來了之維尼夫婦"ge文章，只能夠講，作者實在太厲害！真係超真實，而且超爆笑！我一邊睇，個腦即時已經可以一邊構想佢地ge對話情況……皆因，我係康熙迷，亦係維尼迷！

我覺得，如果我唔放上黎share，實在太對唔住廣大群眾啦~

首先介紹一下男主角---Nichkhun先啦~擁有金剛身材ge佢，有一張天使ge臉孔，完美ge泰國王子，野獸派男團2PM ge成員之一。

沉靜左幾個月，我又蒲頭啦！

呢段期間，我唔係唔想寫，內容日日都有諗，但就係懶！懶到出汁~冇恆心~冇毅力！成日掛住煲劇(呢個先係main point)~~

今日，突然有感~想發表一篇對於我目前興趣同喜好ge心路歷程(我講緊乜？)~

小妹我係2010年11月11號夜晚九點鐘左右正式回歸澳門ge懷抱啦！不過一出港澳碼頭就即刻開始抱怨，點解成條街咁多垃圾！點解d海水咁黑！oh~去左沖繩五日，實在正到令我樂而忘返呀~~~雖然今次去旅行係病住去，病住番，但沖繩呢個地方真係好適合度假！(撇除d yen超貴之外……)總括黎講，就係 I LOVE OKINAWA VERY MUCH LA！！！

第一日，即7號戈日，朝早六點起身，七點一個字已經到左港澳碼頭，等等等…坐八點半船去香港機場。今次好方便，因為D行李完全唔使自己拎，搭船前寄存左就一直到沖繩機場先拎，爽！第一次係香港機場由1號閘口行到70號閘口，真係幾攞命！嘩~個機場大到阿媽都唔認得，澳門戈個應該可以收皮…雖然路程長左少少，但勝在商店亦唔少，簡直就係威尼C機場版，乜名牌都有得賣，臨走都要撈番你地一筆！我地搭11:55機，原來只需要2個鐘，我即時精神晒！因為我好討厭搭太耐飛機…到左沖繩，降落係那霸機場，個機場其實都幾細，不過最搞笑係除左要打手指模，仲要影埋相，保安超嚴！過晒關之後我地搭的士去check in。嘩！500yen起錶，仲要已經係最平戈種的士！問你死未？差唔多係澳門ge 4倍，超金！去到酒店，總共千幾yen，突然發覺，沖繩d的士佬都幾好搵^^check in後，我地出去搵野食。由於日本比中國快一粒鐘，所以我地6點都未夠已經食晚飯。第一日我地去食海鮮，真係好鮮，樓下買完，樓上即煮，而且勁好味！不過當然又係金金金啦~好似要成一萬yen左右。食完野，行左陣街，好早就番左酒店休息囉。呢日，係五日行程最唔好ge一日，因為一落機已經落雨，而且落到夜晚都未停，搞到我地好擔心會影響之後ge行程。

今日係2010年11月7日，係本小姐衝出澳門呢個鬼地方ge大日子！仲有幾個鐘，就要出發囉，我興奮到而家仲未訓得著呀！反正要搭一個鐘船同四個鐘飛機，到時再訓啦，哈哈！今次係第一次係香港飛，我要多謝米高同佢老公ge協助，我先唔使盲踪踪咋。第一次唔使自己plan行程ge自由行，真好！

記得我之前發誓過兩年內一定要去日本，終於做到啦，好有成就感！不過今趟沖繩之旅好唔抵呀，我地八月底已經book好晒機票，戈陣d yen升到9，諗住佢出發前幾個月會跌少少啦，點知一直升升升，今日係9.55！前幾日仲升到9.6幾，我逼住係最貴戈日換左錢…真係暈低。加上呢輪中日關係又惡化，所以都咪話今次旅行可以好安心，再加埋係自駕遊……希望一切順利啦！

雖然旅行係好開心，但今次我冇之前咁期待，皆因出發前要交兩大份報告又要測驗，真攞命！可能呢排公司人事變動，搞到多左好多野做，放工又要做報告，天氣又變，結果我係做完第一份報告ge時候就即時病左！旅行前兩日先黎病，唔通連個天都唔鐘意我？最可憐係病左都冇得休息，因為最後一份報告係旅行前一日交，而且我戈組完全未郁過。最後，利用病假+通頂，連續馬不停蹄30個鐘，終於放下心頭大石啦！不過可憐ge係我缺乏休息，睇醫生食埋藥都冇起色……而家個喉嚨仲係比火燒緊，女高音亦不見了，咳到甩肺，但只要唔好發燒就得啦，否則我ge OKINAWA之旅不但會泡湯，仲會連累他人…

唉！本小姐呢個月真係忙到嘔！

距離我ge OKINAWA HAPPY HAPPY之旅仲有10日。原本我係應該好期待ge，因為之前去旅行都係咁，但今次竟然冇！去之前要交2大份報告，又有ENG presentation，又要測驗，最慘係報告到而家仲只係半桶水，真係好擔心>< 跟住去完旅行番黎戈個星期又要考試，識分身都搞唔掂囉！仲有，近排無啦啦中日關係又惡化，d yen仲衰，由八月底等到而家仍然居高不下，仲同我升到上95！由於今次係自駕遊，所以安全方面都有少少擔心……咁ge情況下去OKINAWA，我真係唔知應該開心定唔開心囉~~

上星期，我公司做年底員工評估，當然又係冇好野啦…最慘係我臨評估前戈幾日，唔知點解比人搵到好多我做錯野ge case出黎，大大小小都有，頂！都唔知係咪專登ga！有乜理由係評估前一次過浮晒出黎喎，搞到我又比人喪插！但呢樣都唔夠衰，最賤格係我覺得公司利用員工評估黎遮掩威逼員工ge醜態。我戈team得4條友，隔離team走左1個，要係我地度調1個過去，即係我地又少左人手啦。平時4個人都已經好唔夠用，因為每日總有人會放下例假呀年假之類，而家得番3個人，大家放假絕對唔可以重疊。最慘係我要番學戈幾日佢地一定要就我番早，即係其他戈2個都要番晏，否則又係搞唔掂。換句話說講，我又欠落同事一大堆人情。最慘係，評估ge時候，我super同我講：年底會有一大堆超筍ge offer出，又準備賣iphone4，一定會比以前更多野做更忙，我地要有心理準備經常開OT，由於少左1個人，所以開OT唔會再只係以前ge一兩個鐘，可能要更多，病假呀、年假呀戈d野，要自己好好分配下，因為好缺人手…你地睇下，呢d說話擺到明就係警告緊我地唔準攞假、要日日準備開OT！都痴線ga，走左個人唔夠人唔識去請人呀？經濟唔好ge情況下一年賺七億都唔請人，1個人當n個人用，想折磨死d員工咩，咁樣唔病就出奇啦，病戈陣又暗寸我地話冇得攞病假，咁佢玩晒啦！呢間公司真係超低能囉！我最激氣就係我地間死人公司開OT係完全冇錢補！因為佢覺得係你能力不足ge問題！仲話之後多野做到可能唔止開一兩個鐘OT，咁ge說話都講得出！PH番工又冇假補！大佬，人地黎打工係搵餐晏仔咋，唔係賣命囉！多勞係咪應該多得先？OT補錢PH補假呢d野，係天經地義ga喎，咁都要剝削我地，唔通外國公司ge規矩係咁咩？但呢度係澳門囉！咁算點先？搵我地笨實呀？所以呀，而家一個二個都就黎頂唔順啦，個個都想轉工，到時個個走晒，呢度就由得佢死啦！真係好激氣呀！激死人啦！！！

一個字形容，就係「讚」！嗱~唔睇係你地ge損失哦！

話說小妹我一直都係「惡吻」迷，4年前因為米高ge介紹，開始左我ge台劇生涯。我接觸ge第一部台劇就係「惡作劇之吻」，當時仲未拍第二集哦。好可怕，第一次發現…嘩！呢d偶像劇原來先係我ge菜！始終校園浪漫愛情劇都係適合我呢種年紀ge少女多d，哈哈^^呢幾年，睇左好多台劇、韓劇、日劇，始終都係「惡吻」最得我心，因為劇情好，男主角又超級靚仔！除左原創ge漫畫我未睇過之外，台版、日版、卡通版ge「惡吻」我都睇過晒！當中，台版ge當然係最好睇啦，由林依晨同鄭元暢所演，超正，直到目前為止，我諗我一共睇左有五六次咁多，連第二集都睇左三次囉。

今年，韓國終於拍「惡吻」啦，對於我黎講，實在是大喜訊！我一直都有留意動向，男主角競爭好激烈，要由我最愛ge大帥哥金賢重同鄭容和當中選一個出黎…oh！手掌又係肉，手背又係肉呀！最後金賢重出線，容和就繼續拍「我們結婚了」，咁我兩樣都可以同時睇，哈哈^^

10月15日，DUP黎接我放學，我一落樓下，正尋找小黃ge身影…噫？奇怪啦，佢咁搶眼，冇理由唔見ga？點知，我再瞄一瞄，一部好熟悉ge車係我面前出現！再望下個車牌…啊~我ge愛車終於回歸啦！一個月冇見，換左鈴，成架又翻新左！戈個死DUP原來戈朝一早就去攞左番黎，只係瞞住我諗住比個驚喜我。呵呵，我實在太高興啦^0^

10月16號係重陽節，今次終於爭贏左，有假放啦！原本戈日諗住去松山登高買個風車轉下運，因為已經n年冇去過。點知，例牌…一放假就訓到唔願起身！原本八點幾醒左，諗住起身ga啦，但又冇呢個意志。九點幾十點幾又醒左一次，都係唔得，個人好似痴住左張床咁。最後……還是宣佈放棄！不過我地晏晝都出左去食飯行街，去左高士德、新馬路，又係呢d地方囉，冇計~澳門太細。夜晚等表姐阿誠放工一齊去食飯，周圍都好爆呀！最後去左風順食骨煲，仲要係同人搭枱咋…

今日本小姐打敗仗。其實早兩日已經有D徵狀，不過諗住小事，所以冇乜點注意…點知尋晚開始出大事，個口痛到連野都食唔到，超級無敵痛！！！最後請左日假，去左鏡湖睇醫生。第一次睇耳鼻喉科，原來要等超勁爆耐！我去第二科覆完診番黎仲未輪到我=.="耳鼻喉科勁恐怖，要坐係一張類似係睇牙醫ge椅度照，而且個醫生好死惡！check完後，原來我係喉嚨發炎，都幾嚴重…最慘係我脷根位置生左兩粒應該係飛滋ge野，搞到連郁一郁條脷都痛！即係話連講野都痛…

睇完醫生，攞左一大堆藥番黎，原來連食藥都咁鬼煩！一d1日4次，一d又1日3次，有d又1日2次，有d1日1次，有d話要臨瞓食，有d話要飯後食，有d又話要空肚食…天啊！煩都煩死我啦！！！但為左可以有健康ge身體享受我下個月ge OKINAWA之旅，煩極都要食…